როგორ დავწერო კარგი აკადემიური ნაშრომი (ამ შემთხვევაში – რეფერატი) საერთაშორისო ურთიერთობების კურსისთვის? თავისუფალი უნივერსიტეტის საერთაშორისო ურთიერთობების სკოლას აქვს მკაცრი და კონკრეტული მოთხოვნები.
საერთაშორისო ურთიერთობების თეორიები – ფინალური ნაშრომის მოთხოვნები
საბაზო ტექნიკური მოთხოვნები
გვერდის ზომა: A4 *
გვერდის კიდეების დაშორება: Normal [ 1″ ] (ყველა) *
ტექსტის გასწორება: justify *
ფონტი: Sylfaen
ფონტის ზომა: 11
დაშორება: 1.5
პარაგრაფებს შორის დაშორება: default *
აბზაცი: 0 (აბზაცის გარეშე)
აბზაცებს შორის დაშორება: 0 (არანაირი დამატებითი „სფეისი“ აბზაცს შორის)
ციტირების სტილი: APA
(ციტირების სტილს ჩემთვის გადამწყვეტი მნიშვნელობა არ აქვს: თუ რომელიმეს უფრო მოგწონთ ჩიკაგო, ან რომელიმე სხვა, პრობლემა არ მაქვს, თუ ნაშრომში იქნება ასახული ინსტრუქციის მიხედვით).
გამოიყენეთ ქართული „ბრჭყალები“.
ნებისმიერი სხვა კომბინაცია: “ბრჭყალები”, „ბრჭყალები”, “ბრჭყალები“, ‘ბრჭყალები’, ”ბრჭყალები”, ,,ბრჭყალები” ან ნებისმიერ სხვა, არის არასწორი და ამის გამო ნიშანი დაგაკლდებათ.
ბეჭდვის შეცდომები
აუცილებლად გადაიკითხეთ ტექსტი. ვორდს აქვს თავისი მცდარბეჭდილმძებნი (სფელჩექერი), ასევე არსებობს ონლაინ მცდარბეჭდილმძებნი (სფელჩექერი).
წყაროებისა და სარჩევის ინსტრუქცია
წყაროები და სარჩევი უნდა იყოს მითითებული ინსტრუქციის მიხედვით (იხ. ვიდეო ქვემოთ). წყაროებისა და სათაურების მიუთითებლობა ნიშნავს საბაზისო ტექნიკური მოთხოვნების შეუსრულებლობასა და, შესაბამისად, ნაშრომის განულებას.
სტრუქტურა
საერთაშორისო ურთიერთობების თეორიების ნაშრომის/რეფერატის რეკომენდირებული სტრუქტურა:
- აბსტრაქტი (ანოტაცია) *^
- Abstract *^
- სარჩევი *^
- შესავალი *
- მეთოდოლოგია *
- ლიტერატურის მიმოხილვა *
- თეორიული ჩარჩო *
- თავი I
- ქვეთავი I
- ქვეთავი II
- ქვეთავი ∞
- თავი II
- თავი III
- თავი ∞
- დასკვნა *
- გამოყენებული ლიტერატურა/ბიბლიოგრაფია *^
- დანართები/არსებიბის შემთხვევაში *^
.pdf-ად შენახვა
.pdf ვერსიისთვის თქვენ არ გჭირდებათ ონლაინ კონვერტორის ან მსგავსი პროგრამების გამოყენება. Microsoft Word-ს აქვს ეს ფუნქცია (იხ. სქრინშოტი ქვემოთ).
საერთაშორისო ურთიერთობების თეორიები
ნაშრომის ზომა: min. 15, max. 20 გვერდი.
ტექნიკური გვერდების ნომრები ნაშრომის დასაწყისში ინომრება რომაული ციფრებით, ნაშრომის ძირითადი ნაწილი კი – არაბულით (შაბლონში უკვე დაყენებულია)
გაითვალისწინეთ, რომ ტექნიკური გვერდები გვერდების ჯამურ რაოდენობაში არ შედის (ანუ ნაშრომი უნდა აკმაყოფილებდეს გვერდების მინიმალური რაოდენობის მოთხოვნას ტექნიკური გვერდების გარეშე).